Қызылордада ювеналды полиция қызметкерлері рейд аясында 127 әкімшілік хаттама рәсімдеді

Қызылорда қалалық Полиция басқармасының кәмелетке толмағандар істері жөніндегі бөлім қызметкерлері күн сайын жасөсіпірімдер арасында құқық бұзушылықтың алдын алудың тиімділігін арттыруға бағытталған іс-шаралар кешенін жүзеге асыруда.Мәселен, демалыс күндері рейдттік шаралар жүргізіліп, полицияға 45 жасөспірім жеткізілді. 127 азамат әкімшілік жауапкершілікке тартылған. 

Оның ішінде кәмелетке толмағандардың түнгі уақытта ойын-сауық орындарында болуына жол бергені үшін 8 жеке кәсіпкер, түнгі уақытта заңды өкілдерінің еріп жүруінсіз тұрғынжайдан тыс жерде болуына жол бергені үшін 35 ата-ана бар. Бұдан басқа, өзге де әкімшілік құқық бұзушылықтар бойынша 84 хаттама толтырылып,  екі қолайсыз отбасы есепке алынды.

– Кәмелетке толмағандардың заңды өкілдерінің еріп жүруінсіз тұрғын жайдан тыс жерде сағат 23 – тен таңғы 6-ға дейін болуы-заңды өкілдеріне ескерту жасауды көздейді. Егер бұл әрекеттер бір жыл ішінде қайталанса, құқық бұзушыларға жеті айлық есептік көрсеткіш мөлшерінде айыппұл салынады,- деді Қызылорда қалалық Полиция басқармасының ювеналды полиция бөлімінің бастығы, полиция капитаны Айдос Прежекенов.