Қызылордада мұз опырылып, екі бала суға батып кете жаздады

Қызылордада екі жасөспірім - қыз бен жігіт мұзға құлап, қауіпке тап болды. Абырой болғанда Сырдария өзенін патрульдеу кезінде полицейлер мұзға құлап кеткен 15 жасар қыз бен 14 жастағы жігітті байқап қалды, деп хабарлайды  Insight-EL  ақпарат агенттігі. 

Мамандандырылған күзет қызметінің қызметкерлері Әділхан Молдағалиұлы мен Алтынбек Мейрамбекұлы дереу оларға араша түсіп, жеткіншектерді суық судан алып шыққан.

Полицейлер жедел жәрдем шақырып, кейін балаларды ата-анасына тапсырды. Анықталғандай, жасөспірімдер ойнап жүріп, мұзға шығып, оның соңы шытырманға ұласқан. 

Сурет ашық дерек көзден алынды.