:
м/с, %, мм рт. ст.
Аргентина құрамасы мен «ПСЖ» клубының шабуылшысы Лионель Месси 2022 жылдың қорытындысы бойынша әлемнің үздік футболшысы атанды, деп хабарлайды ҚазАқпарат тілшісі.
Сурет: GETTY IMAGES
Сhampionat.com сайтынан алынған дерекке қарағанда, Халықаралық футбол тарихы және статистикасы федерациясы (IFFHS) үздіктер есімін жария етті.
Месси дауыс берудің қорытындысы бойынша 275 ұпай жинады. Ол «ПСЖ» мен Франция құрамасының шабуылшысы Килиан Мбаппеден әлдеқайда алға кетті. Мбаппенің есебінде 35 ұпай ғана бар. «Реал» мен Франция құрамасының тағы бір шабуылшысы Карим Бензема (30 ұпай) үздік үштікті түйіндеді. Сондай-ақ «Реалдың» жартылай қорғаушысы, хорватиялық Лука Модрич (15) пен «Манчестер Ситидің» шабуылшысы, норвегиялық Эрлинг Холанд (5) ТОП-5-ке енді.
Лионель Месси әлем чемпионатынан кейін өзінің клубы «ПСЖ» командасына қайта оралды.
Еске сала кетейік, бұдан бұрын Криштиану Роналдудың футбол тарихындағы ең үздік сұрмерген атанғанын жазған болатынбыз.
Copyright © 2022. «Insight-EL» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті.
Есепке қою туралы куәлік: № KZ53VPY00061737, 23.12.2022
Сайт жобасын дайындаған «ToWeb.kz» компаниясы. Сайтқа тапсырыс беру
