![]()
«Буктрейлер" республикалық байқауы ҚР Оқу-ағарту министрлігінің қолдауымен, Адамның үйлесімді дамуы ұлттық институтының бастамасымен өткізілген.
Қызылорда облысының білім басқармасының баспасөз қызметінің хабарлауынша, байқауға аймақ атынан қаладағы С.Толыбеков атындағы 3 ІТ мектеп-лицейінің 10 сынып оқушысы Жұматай Азат қатысып, Әбіш Кекілбаевтың “Шыңырау” кітабы бойынша буктрейлерін ұсынды. Оқушының жұмысы комиссия тарапынан жақсы бағаланып, байқаудың жеңімпазы атанды.
Айта кетейік, байқауға еліміз бойынша 400-ден астам оқушы қатысып, өз жұмыстарын ұсынған. Конкурс шарты бойынша, қатысушы өзі оқыған кітабы, шығармасы желісінде буктрейлер бейнеролигін түсіруі қажет болатын.
Сурет ашық дереккөзден алындды
