5 өңірдегі өзендердің су деңгейі көтеріледі - Қазгидромет

Қазгидромет 1 ақпанда, яғни, бүгін бірнеше өңірде ауа райына байланысты ескерту жариялады, деп хабарлайды ҚазАқпарат.

Ақмола облысының солтүстігінде, шығысында тұман түседі.

Ақтөбе облысының шығысында тұман күтіледі. Шығыстан, оңтүстік-шығыстан жел соғып, екпіні 18 м/с жетеді.

Алматы, Жамбыл, Жетісу, Қызылорда, Түркістан облыстарында1-3 ақпан аралығында жаңбыр және жылбысқы қар түріндегі қатты жауын-шашын жауады. Сондай-ақ температуралық фонның жоғарылауына байланысты қарқынды қар еруі, еріген қар және беткейлік ағынының қалыптасуы, мұздық құбылыстарының әлсіреуі және өзендерде су деңгейі көтерілуі күтіледі.