Құқық бұзушылық пен қылмыстың алдын-алуда

Қызылорда облысы кәсіпкерлер палатасының ұйымдастыруымен сауда, қызмет көрсету және туризм кеңесінің кезекті отырысы өтті.

Аталған отырысқа Қызылорда қаласы Полиция басқармасы бастығының орынбасары полиция полковнигі Қайрат  Жақиянов қатысты.

 Жиынның мақсаты – құқық бұзушылықтардың алдын-алу, кафе-барлардың, мейрамханалардың жұмыс режимі, террористік тұрғыдан осал объектілерге жататын сауда және қоғамдық тамақтану нысандарына қойылатын талаптар туралы кәсіпкерлерге түсіндіру.

 Полиция қызметкерлері тарапынан кафе-барлар, түнгі клубтар және мейрамханаларда құқық бұзушылық пен қылмыс оқиғаларын, төтенше жағдайлардың алдын-алу, қауіпсіздік пен күзет жабдықтарын жаңғыртуға қатысты өзекті мәселелер көтерілді.

Кездесу барысында полиция қызметкерлері әрбір айтылған ұсыныстардың қараусыз қалмайтынын айтып,  кәсіпкерлерді тек заң шеңберінде қызмет атқаруға шақырды.

Сурет ашық дереккөзден алынды.