Кәмелетке толмағандардар арасында құқықбұзушылықтың алдын алуға арналды

Қызылорда облысының кәмелетке толмағандардың істері жөніндегі мамандандырылған ауданаралық сотының ұйымдастыруымен «Абылай хан» жоғарғы колледжінің студенттерімен кездесу өтті.

Кездесуге судья З.Абылайқызы мен сот әкімшісінің бас маман-сот отырысының хатшысы А.Нұрғалиев қатысты.

Кездесудің мақсаты – кәмелетке толмағандар арасында құқық бұзушылықтың алдын алу.

Кездесу барысында судья З.Абылайқызы Қазақстан Республикасының әкімшілік құқық бұзушылық туралы кодексінің 442-бабы бойынша кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болмауы және кәмелетке толмағандардың жасайтын бұзақылықтары, оның алдын алу туралы баяндама жасады. 

Шара барысында мамандар тарапынан жасөспірімдер арасындағы құқықбұзушылықтың, қылмыстың алдын алу жөнінде жан-жақты түсіндірілді.

Кездесу соңында колледж студенттері өздерін қызықтырған сұрақтарын қойып,  құқықтары мен міндеттері жайлы мәлімет алды.

Сурет облыстық соттан